Rama: PS ka peshën e integrimit në BE, duhet t’i fitojmë të gjitha bashkitë e Durrësit

Kryeministri Edi Rama dhe njëkohësisht Kryetari i Partisë Socialiste ka zhvilluar këtë të enjte një takim në Durrës në kuadër të turit “Punët për Shqipërinë”. Rama ka thënë se sipas tij Partia Socialiste ka përgjegjësinë për ta çuar Shqipërinë drejt integrimit dhe nga ana tjetër tha se do duhet të fitohen të gjitha bashkitë e Durrësit në zgjedhjet vendore

“Sot kemi një moment të historisë ku për herë të parë fati i buzëqesh shqiptarëve ku të mëdhenjtë që na duhen i kemi me vete, kur duhet të materializojmë një ëndërr të vjetër, për ta pozicionuar Shqipërinë nga ana e Evropës politikisht dhe jo vetëm gjeologjikisht. Dikur ju thoja se na duhet një mandat më i fortë për ta bërë realitet objektivin historik të Shqipërisë për integrimin në BE. Nuk duhet ta lëmë derën të mbyllet, duhet të konfirmojmë PS në zgjedhjet e ardhshme, që janë zgjedhje politike jo thjesht vendore. Për zgjedhjet e ardhshme vendore, kemi të gjithë arsyen të besojmë se kemi mundësi të fitojmë të 3 bashki duke filluar nga Durrësi. Sot kemi një moment të historisë ku për herë të parë fati i buzëqesh shqiptarëve ku të mëdhenjtë që na duhen i kemi me vete, kur duhet të materializojmë një ëndërr të vjetër, për ta pozicionuar nga ana e Evropës politikisht dhe jo vetëm gjeologjikisht. Dikur ju thoja se na duhet një mandat më i fortë për ta bërë realitet objektivin historik të Shqipërisë për integrimin në BE. Nuk duhet ta lëmë derën të mbyllet, duhet të konfirmojmë PS në zgjedhjet e ardhshme, që janë zgjedhje politike jo thjesht vendore. Duhet që PS të jetë e vetëdijshme që fati e ka dashur që të na bjerë në kurriz një gur kaq i madh për ta vendosur në majë duke e vulosur prezencën e Shqipërisë në BE. Kështu e ka sjellë rrota e historisë ne duhet ta bëjmë atë që na kërkohet. Duhet ta kapim trenin e historisë patjetër.-tha Rama.