Rama s’ka ndikim te elektorati i Turqisë. Brahaj: Erdogan më i fuqishëm në Shqipëri

Gazetari Sokol Brahaj, komentoi deklaratën e kryeministrit Edi Rama, i cili doli hapur në mbështetje të presidentit Rexhep Tajip Erdogan.

Në një intervistë për Euronews Albania, ai theksoi se Rama nuk ka ndonjë ndikim tek elektorati në Turqi, ndryshe nga Erdogan në Shqipëri.

“Rama nuk ka një elektorat të vetin në Turqi. Rama ka vetëm 3-4 biznesmenë që i ka shokë të vet këtu dhe kaq. Rama nuk është se ka rol tek diaspora shqiptare. Turqia ka qenë gjithmonë pranë nesh, dhe Rama i ka kthyer qokën”- tha ai.

Në të njëjtën ditë me Shqipërinë dhe Turqia zhvillon zgjedhjet presidenciale.

Kreu i qeverisë sonë Edi Rama nëpërmjet një video –mesazhi ka dalë hapur në mbështetje presidentit turk Recep Tayyip Erdogan.

Ai e ka cilësuar Erdogan si një mik i mirë i shqiptarëve në kohë të vështira si tërmeti apo edhe pandemia. Rama shtoi se me presidentin Erdogan në krye, Turqia mbështeti vendin tonë në tërmetin e nëntorit ndërsa njohu dhe Kosovën si shtet i pavarur.

LEXONI GJITHASHTU: 

• 4 aksidente në pak minuta në Pogradec-Përrenjas
• VIDEO/ Babai godet dhe kafshon në fytyrë fëmijën 5-muajsh