Rama: Na duhen bashki sipërmarrëse, partneritet me privatin për të gjeneruar të ardhura

Kryeministri Edi Rama ka mbledhur kryebashkiakët e vendit në një takim që po zhvillohet në Golem.

Rama u shpreh se ka ardhur koha që bashkitë të bëhet forcë ndikuese për zhvillimi ekonomik dhe të mund të gjenerojë të ardhura në emër të interesit publik.

Kjo sipas tij mund të arrihet vetëm përmes një partneriteti me sipërmarrjen private çka e bën bashkinë lojtar aktiv të zhvillimit ekonomik dhe përfitues.

“Bashki sipërmarrëse, jemi larg nga krijimi i një force lokale vendore që të mund të marrë pjesë në jetën ekonomike të territorit dhe të bëhet forcë ndikuese për zhvillimi ekonomik dhe të mund që në emër të interesit publik të gjenerojë të ardhura. Jemi në vendin më të ulët në botë ku pushteti vendor vetëm shfrytëzon taksat e shqiptarëve për të funksionuar. Nëse pyeten sa të ardhura i ka sjellë bashkia vetes me veprimtarinë ekonomike shifrat janë qesharake, ndërkohë që hapësira është shumë e madhe për ta bërë bashkinë lojtar aktiv të zhvillimit ekonomik dhe përfitues. Janë krijuar kushtet që të fillojmë të krijomë shtetin sipërmarrës duke u bërë partner me sektorin privat”, tha Rama.