Rama uron nxënësit në ditën e parë të shkollës: Suksese në rrugën e bukur të dijes

Në një status në rrjetet sociale, kryeministri Edi Rama ka uruar të gjithë nxënësit me rastin e nisjes së vitit të ri shkollor 2025-2026.

Sipas tij, sot në bankat e shkollave ulen rreth 345 mijë nxënës në të gjithë vendin, ndërsa 26,500 prej tyre janë nxënës të klasave të para që nisin për herë të parë rrugën e dijes.

“Duke ju uruar suksese 345 mijë nxënësve që ulen sot në bankat e shkollave, dhe atyre 26,500 nxënësve të klasave të para që nisin sot rrugën e bukur të dijes, ju uroj një javë të mbarë”, shkruan Rama në mesazhin e tij.