Randrianirina pritet të betohet president pas grushtit të shtetit në Madagaskar

Udhëheqësi i grushtit ushtarak të shtetit në Madagaskar, Koloneli Michael Randrianirina, tha të mërkurën se do të shërbejë si president deri në dy vjet para se të mbajë zgjedhjet, ndërsa Bashkimi Afrikan pezulloi kombin ishullor të Oqeanit Indian pas rrëzimit të Presidentit Andry Rajoelina.

Në intervistën e tij të parë që nga rrëzimi i Rajoelinës, Randrianirina tha se “duhet të ketë një betim” në ditët në vijim për ta bërë zyrtar pozicionin e tij. I shoqëruar nga kolegët oficerë, Randrianirina tha në kazermat e njësisë së tij se ata “do të qëndronin këtu për të paktën 18 muaj, maksimumi dy vjet”.

Randrianirina, i cila udhëhoqi grushtin e shtetit që rrëzoi Presidentin Andry Rajoelina dy ditë më parë, dhe “do të betohet si presidente e rindërtimit të Republikës së Madagaskarit gjatë një seance solemne të Gjykatës së Lartë Kushtetuese” të premten, sipas një deklarate qeveritare të publikuar të enjten.

Rajoelina, u nxor në gjyq nga deputetët pasi u arratis jashtë shtetit gjatë fundjavës, e ka denoncuar grushtin e shtetit dhe refuzon të japë dorëheqjen pavarësisht dezertimeve në shkallë të gjerë nga forcat e sigurisë, ndërsa Bashkimi Afrikan, AU, ka njoftuar pezullimin e vendit nga blloku kontinental.

Në një deklaratë, Kryetari i Komisionit të AU-së, Mahamoud Ali Youssouf, deklaroi se pezullimi hyn në fuqi menjëherë dhe se “sundimi i ligjit duhet të mbizotërojë mbi sundimin e forcës”.

Marrja e pushtetit nga ushtria kulmoi javë të tëra protestash kundër qeverisë së tij, të udhëhequra nga grupe rinore që e quajnë veten “Gjenerata Z e Madagaskarit”.

Trupat besnikë ndaj komandantit të njësisë ushtarake CAPSAT, kolonel Michael Randrianirina, mbërritën në presidencë për të njoftuar se forcat e armatosura po marrin kontrollin e vendit në Antan.

Në rrugët e kryeqytetit Antananarivo të martën, demonstruesit duartrokitën Randrianirinën dhe ushtarë të tjerë nga njësia e tij elitare CAPSAT.

“Dje na u desh të merrnim përgjegjësi sepse nuk ka mbetur asgjë në vend, asnjë president, asnjë president në senat, asnjë qeveri”, tha Randrianirina.

LEXONI GJITHASHTU:

• Madagaskar| 13 të vdekur nga kaosi në stadium, mes viktimave dhe 7 fëmijë