Raporti: Balona spiune i ka dërguar Kinës të dhëna në kohë reale

Një balonë kineze, që ka fluturuar mbi territorin e Shteteve të Bashkuara javë më parë, ka arritur të mbledhë informacion nga bazat ushtarake, disa ditë para se të rrëzohej, kanë raportuar mediat amerikane.

Balona ka arritur t’i dërgojë Pekinit të dhëna në kohë reale, ka raportuar rrjeti NBC News, duke cituar zyrtarë amerikanë.

Balona ka pasur qasje në sinjalet elektronike, por nuk ka bërë fotografi, sipas një zyrtari të cituar nga ky rrjet.

Shtëpia e Bardhë nuk i ka konfirmuar këto raportime.

Mirëpo, një zëdhënës i Shtëpisë së Bardhë, ka thënë se SHBA-ja ka arritur të kufizojë kapacitetet e balonës për mbledhje të të dhënave të ndjeshme.

LEXONI GJITHASHTU:

• Shtëpia e Bardhë hedh poshtë pretendimet e Pekinit për balona amerikane mbi Kinë
• Kina thotë se SHBA dërgoi më shumë se 10 balona në hapësirën ajrore