Raporti i KLSH për vitin 2020: 712 milionë euro dëm ekonomik

Gjatë vitit 2020, Kontrolli i Lartë i Shtetit ka kryer 91 auditime në institucione qendrore, ministri dhe agjenci duke konstatuar dëm ekonomik që mbërrin në 17.7 milionë euro. Të dhënat e raportit vjetor të institucionit janë diskutuar në Komisionin e Ekonomisë, së bashku me performancën e KLSH-së.

“Veprimtaria është fokuar në fushat ku KLSH ka vlerësuar nivel të lartë risku. KLSH evidentoi dhe raportoi dëm ekonomik në të ardhurat dhe shpenzimet e buxhetit 2.2 mld lekë, pa rregullsi apo paligjshmëri 85.9 mld lekë, dëm ekonomik në të ardhurat 1.7 mld lekë ndërsa është evidentuar. Dëmi ekonomik në shpenzime 475.6 mln lekë në investime, shpërblime dhe paga”, tha Anastas Angjeli, kryetar i Komisionit të Ekonomisë.

Ndërkohë, në raportimi e veprimtarisë vjetore të institucionit që drejton, Arben Shehu, bëri të ditur se KLSH po auditon edhe menaxhimin e tërmetit dhe pandemisë.

Kontrolli i Lartë i Shtetit bëri të ditur se gjatë vitit që lamë pas planifikoi, 145 auditime por për shkak të pandemisë evadoi 73 të tilla, ndërsa pas diskutimit në kuvend, deputetët miratuan raportin.