Raportonte nga lufta në Ukrainë, raketa i merr jetën gazetarit francez

Një gazetar francez 32-vjeçar është vrarë teksa raportonte nga zona e luftës në Ukrainën lindore.

Arman Soldin, i cili punonte për agjencinë e lajmeve AFP, vdiq të martën pasi u godit nga raketa pranë Chasiv Yar, në perëndim të Bakhmut. Një ekip gazetarësh u sulmua rreth orës 16:30 ndërsa ishin me një grup ushtarësh ukrainas.

Presidenti francez Emmanuel Macron bëri homazhe për gazetarin Soldin i cili vdiq në vijën e parë të luftës.

“Ne ndajmë dhimbjen e të dashurve dhe kolegëve të tij”, ka shkruar ai në një postim në Twitter.

Kryetari i AFP, Fabrice Fries, tha se agjencia e lajmeve ishte “shkatërruar” nga vdekja e Soldin, për të cilën ai tha se ishte një “kujtues i tmerrshëm i rreziqeve me të cilat përballen çdo ditë gazetarët që mbulojnë konfliktin në Ukrainë”.

Drejtoresha e agjencisë për Evropën, Christine Buhagiar, e kujtoi Soldinin si “entuziast, energjik dhe trim” dhe tha se ai kishte qenë “plotësisht i përkushtuar për zanatin e tij”.

Deputetët e të gjitha partive politike qëndruan në Asamblenë Kombëtare të Francës dhe bënë homazhe për Soldin. Ai ishte pjesë e ekipit të parë të AFP-së që shkoi në Ukrainë pas pushtimit të Rusisë në shkurt të vitit të kaluar dhe kishte jetuar atje që nga shtatori.

LEXONI GJITHASHTU:

• Aksidentet në Prrenjas-Pogradec, shoferët: Kemi parë njerëz të hedhin vaj në rrugë
• VIDEO| Ilaçet i shkaktuan probleme, gruaja tenton të djegë farmacinë në Tiranë