Qytetarët francezë u drejtohen këtë të diel kutive të votimit për të votuar në raundin e parë zgjedhjeve presidenciale.

Pritet që në raundin e dytë,  kandidatja e ekstremit të djathtë Marin Le Pen do  të jetë rivalja përballë presidentit aktual Emanuel Macron. Qendrat e votimi mbyllen në orën 18:00.

Rreth 48.7 milionë njerëz kanë të drejtë të votojnë, duke zgjedhur mes 12 kandidatëve që po konkurrojnë për të udhëhequr ekonominë e dytë më të madhe të Bashkimit Evropian dhe fuqinë e saj të vetme bërthamore.

Presidenti Emmanuel Macron po kërkon të bëhet presidenti i parë në detyrë që fiton rizgjedhjen pas  Zhak Shirak në 2002.

Sondazhet e opinionit publik parashikojnë se shefi i Elisezë pritet të jetë fitues i këtyre zgjedhjeve, edhe pse gara përballë Le Pen pritet të jetë e ngushtë.

Lufta në Ukrainë, menaxhimi i pandemisë ishin çështjet kryesore të fushatës elektorale që kanë udhëhequr votuesit francezë.

LEXONI GJITHASHTU:

• Franca në prag të zgjedhjeve, Macron akuzon ekstremin e djathtë
• Macron kërkon më shumë sanksione ndaj Rusisë për masakrën në Bucha