Reagimi i Zelensky-t për sanksionet ndaj Rusisë: Janë një sinjal i mirë

Presidenti i Ukrainës, Volodymyr Zelensky, ka mirëpritur sanksionet ndaj dy kompanive më të mëdha të naftës në Rusi, të vendosura të mërkurën nga SHBA dhe BE-ja.

Duke folur me gazetarët ndërsa mbërriti në Bruksel për samitin e BE-së këtë të enjte, Zelensky tha:

“Mendoj se do të shohim, nëse sanksionet do të bëjnë ndonjë ndryshim, sigurisht sanksione më të ashpra ndaj Rusisë duheshin, ky është një sinjal i mirë nga SHBA-ja”.

Më vonë, në mediat sociale, udhëheqësi ukrainas shkroi më tej, duke falenderuar Donald Trump dhe ekipin e tij për vendimin e vendosur, ku tha se:

“Sanksionet e reja të SHBA-së kundër gjigantëve të naftës të Rusisë janë një sinjal i qartë i zgjatjes së luftës dhe marrjes së terrorit, kanë një kosto. Dhe ky është një hap i drejtë dhe absolutisht i merituar. Është pikërisht presioni ndaj Rusisë që do të jetë efektiv për arritjen e paqes, dhe sanksionet janë një nga komponentët kryesorë të tij”, theksoi Zelensky.

LEXONI GJITHASHTU:

• Rubio: SHBA e gatshme të zhvilloj takime me zyrtarët rusë për të zgjidhur konfliktin
• BE miraton paketën e sanksioneve kundër Rusisë: Ndalohet importi i gazit të lëngshëm