Ministria e Jashtme franceze ka reaguar për situatën në veri të Kosovës, ku është shprehur se duhet një “marrëveshjeje gjithëpërfshirëse dhe ligjërisht e detyrueshme ndërmjet Serbisë dhe Kosovës”.
Shteti francez dënon sulmin ndaj misionit të EULEX-it në Kosovë si dhe të gjitha aktet e dhunës në terren.
Reagimi i plotë:
Franca është shumë e shqetësuar për situatën në Kosovën e veriut dhe dënon fuqishëm sulmin e papranueshëm ndaj misionit të EULEX-it në Kosovë dhe të gjitha aktet e dhunës në terren. Ajo u bën thirrje palëve të ushtrojnë përmbajtje maksimale dhe të tregojnë përgjegjësi për të ulur tensionet.
Franca mbështet plotësisht ndërmjetësimin evropian, i cili duhet të mundësojë përparim drejt një marrëveshjeje gjithëpërfshirëse dhe ligjërisht të detyrueshme midis Serbisë dhe Kosovës dhe të ecin përpara në drejtim të perspektivës evropiane të të dy vendeve. Ajo u kërkon të dyja palëve të riangazhohen në dialogun e lehtësuar nga BE.
Ministrja për Evropën dhe Punët e Jashtme do ta diskutojë këtë çështje me homologët e saj evropianë në Këshillin e Ministrave të Jashtëm të Bashkimit Evropian, i cili mbahet sot në Bruksel
Edhe të hënën ka vazhduar bllokimi i rrugëve në pikat kufitare Jarinjë dhe Bërnjak që lidhin Kosovën me Serbinë.
Serbët lokalë në pjesën veriore nuk po tërhiqen, ndërsa vazhdojne t’i mbajnë automjetet e rënda me të cilat kanë krijuar barrikada në këto rrugë. Situata afër barrikadave po monitorohet nga KFOR-i.
Në Rudarë, përveç forcave polake të KFOR-it që po qëndron vazhdimisht, aty u panë edhe pjesëtarë amerikan e gjerman te NATO-s.
LEXONI GJITHASHTU:
- Tensionet në veri të Kosovës, reagon raportuesja në Parlamentin Europian
- Konjufca: S’do lejojmë që Vuçiçi të komandojë në Kosovë përmes bandave kriminale
- Vuçiç: Më 15 dhjetor, kërkesë KFOR-it për dërgimin e 1 mijë trupave serbe në Kosovë
