Pas lajmit të dëbimit të presidentit aktual të Shteteve të Bashkuara të Amerikës nga platforma e Twitter-it, kancelarja gjermane Angela Merkel ka reaguar duke e cilësuar këtë si çështje “problematike”.

Twitter dëboi përgjithmonë presidentin Trump nga platforma të premten.

Si motivacion  nga Twitter është përdorur  fakti se Trump përbën “rrezik për nxitje të mëtejshmetë dhunës”, shkak për këtë janë postimet e tij për protestën e 6 janarit.

Zëdhënësi i Merkel, Steffen Seibert, tha se mediat sociale “mbajnë përgjegjësi të madhe që komunikimi politik të mos helmohet nga urrejtja, gënjeshtrat dhe nxitja e dhunës”.

Nga ana tjetër liria e mendimit është një e drejtë themelore, duke u shprehur se te kjo e drejtë themelore mund të ndërhyhet, por sipas ligjit dhe brenda kornizës së përcaktuar nga ligjvënësit,

jo për shkak të një vendimi nga  mediat sociale.

Duhet thënë se vet kancelarja Merkel nuk ka një llogari në Twitter.