Reagon Trump për sulmin ndaj Iranit: Do i duhet shumë vite të rikuperohen nga ky operacion

Presidenti Donald  Trump deklaroi se ka disa “rrugëdalje” nga Operacioni Epic Fury kundër Iranit, gjatë një interviste për Axios të shtunën.

Në një bisedë telefonike pesëminutëshe nga Mar-a-Lago, Trump u shpreh se ka alternativa të ndryshme për mënyrën se si mund të vijojë operacioni.

“Mund të vazhdoj gjatë dhe ta marr plotësisht nën kontroll të gjithë situatën, ose ta përfundoj brenda dy ose tre ditësh dhe t’u them iranianëve: ‘Shihemi përsëri pas disa vitesh nëse filloni të rindërtoni [programet tuaja bërthamore dhe të raketave],’” tha ai.

Trump shtoi se, në çdo rast, Iranit do t’i duhen disa vite për t’u rimëkëmbur nga ky sulm.