“Receta e karbonarës është amerikane”, irritim nga deklarata e akademikut

Akademiku italian Alberto Grandi shkaktoi polemika duke pretenduar se receta e karbonarës ishte amerikane, si dhe duke deklaruar se i vetmi vend në botë ku gjendet parmixhani autentik është Wisconsin.

Si profesor i historisë së ushqimit në Universitetin e Parmës, ai pohoi gjithashtu se tiramisu dhe panettone ishin shpikje relativisht të fundit dhe se shumica e italianëve as që kishin dëgjuar për pica para viteve 1950, raportoi Guardian.

Ky akademik njihet për deklaratat e guximshme për ushqimin italian, por për shoqatën më të madhe të fermerëve italianë Coldiretti, “sulmi surreal i Grandit ndaj ushqimit italian” është shumë i gabuar duke ditur se qeveria në Romë ka aplikuar së fundmi për trashëgimi kulturore jomateriale në UNESCO.

Grandi zgjoi gjithashtu zemërimin e Matteo Salvinit, zv. kryeministri i Italisë dhe lideri i Ligës së ekstremit të djathtë, i cili ka përdorur prej kohësh ushqimin si simbol të identitetit kombëtar të Italisë.

LEXONI GJITHASHTU:

• U hodh nga kati i pestë, përfundon në spital 62-vjeçarja
• EURO 2024| Italia merr fitoren e parë, Kane njeriu i rekordeve