Referendumi për emigrantët/Debate në Poloni, qeveria mbështet nismën, opozita kundër

Parlamenti i Polonisë ka aprovuar mbajtjen e një referendumi që përfshin një seri pyetjesh.

Një prej tyre, sipas mediave polake, ka të bëjë me pranimin e disa mijëra emigrantëve ilegalë nga Lindja e Mesme dhe Afrika, në bazë të një mekanizmi shpërndarjeje të imponuar nga Bashkimi Evropian.

Ideja ishte sugjeruar nga partia në pushtet Ligj dhe Drejtësi, e cila shprehu shqetësimin për një valë të re emigrantësh përmes Mesdheut dhe për rritjen e presionit migrator në kufi me Bjellorusinë.

Sinkron Marek Ast, deputet i partisë Ligj dhe Drejtësi:

“Jam shumë i habitur që Platforma Civile, që ka termin “civile” në emrin e saj, bën thirrje për bojkot. Vetë Donald Tusk po kërkon ta anulojë këtë referendum përpara se të aprovohet nga Parlamenti. Kjo do të thotë se ata kanë frikë nga përgjigjet”.

Opozita e udhëhequr nga Platforma Civile e drejtuar nga Donald Tusk e kundërshton referendumin dhe fajëson partinë në pushtet se po “demonizon” çështjen e emigracionit dhe se po përpiqet të mbulojë çështje të tjera duke e kthyer vëmendjen tek problemet migratore.

Vetë Tusk ka dalë kundër kësaj lëvizjeje dhe e ka cilësuar referendumin të pavlefshëm në “kuptimin më të thellë dhe më gjithëpërfshirës të fjalës”.