Republika e Kongos nis programin e vaksinimit kundër virusit mpox

Ministria e Shëndetësisë në Kongo nisi një fushatë vaksinimi të shtunën.

“Ne zgjodhëm të fillojmë fushatën e vaksinimit kundër epidemisë së mpox sepse njerëzit tashmë janë të prekur nga lufta dhe mpox. Ata janë mbështetja jonë, prandaj duhet të jenë në vijën e parë të ndihmës,” tha ministri i Shëndetësisë, Roger Kamba. 

Ai tha se Kongo ka më shumë se 30,000 pacientë me mpox dhe sëmundja prek fëmijët më të vegjël se 5 vjeç shumë më keq, 70% e të cilëve raportohet se kanë vdekur.

“Kjo fushatë vaksinimi synon kryesisht punonjësit e kujdesit shëndetësor. Ne gjithashtu do të vaksinojmë punonjësit e seksit për të çrrënjosur këtë epidemi,” -tha Cris Kasita, drejtor i Departamentit të Parandalimit të Infeksionit (PEV) të Kongos.

Kongo ka 265,000 doza të një vaksine që janë dhuruar nga BE dhe SHBA.

Pret 3 milionë doza nga Japonia.

Kongo përjetoi një fluks rastesh mpox pasi numri arriti në 30,000 me 920 vdekje të lidhura që nga fillimi i vitit 2024, sipas statistikave nga Organizata Botërore e Shëndetësisë dhe Ministria e Shëndetësisë e Kongos.

LEXONI GJITHASHTU:

• OBSH nis planin strategjik për të frenuar shpërthimin e virusit mpox
• Kriza humanitare në Gaza, shkon në 146 numri mjekëve të vrarë nga ushtria izraelite