Reshje të mëdha shiu në veri të Francës, qindra shtëpi të përmbytura

Në rajonin e Pas-de-Calais në veri të Francës, qindra shtëpi dhe fusha të punueshme u përmbytën pas reshjeve të dendura, 133 persona u evakuuan dhe alarmi i kuq i motit është ende në fuqi sot. Që nga e hëna tre persona janë lënduar lehtë nga përmbytjet.

Në atë rajon për mbrëmë janë regjistruar 90 deri në 100 milimetra shi për metër katror, ​​sa është sasia e reshjeve për nivelin mesatar mujor dhe reshjet kanë vazhduar edhe sot dhe janë parashikuar 30 deri në 50 milimetra reshje, njofton “Figaro”.

Presidenti francez Emmanuel Macron u bëri thirrje qytetarëve të enjten të jenë të kujdesshëm për shkak të përmbytjeve. Në Pas-de-Calais, pati rreth njëqind ndërhyrje nga zjarrfikësit mbrëmjen e së enjtes dhe 133 persona u evakuuan. Kryqi i Kuq hapi 12 qendra akomodimi.

Në Saint-Etienne, rreth 300 shtëpi u dëmtuan gjatë natës mes të hënës dhe të martës. Shkollat ​​në 200 komuna do të qëndrojnë të mbyllura sot dhe trafiku hekurudhor është pezulluar në itinerarin Boulogne – Etaples dhe Saint-Paul-Etaples të paktën deri të shtunën.

LEXONI GJITHASHTU:

• Informon Instituti i Gjeoshkencave: Parashikimi i rrezikut nga përmbytjet
• Moti i keq në Shqipëri: Përmbytje në Durrës, thyhet pema mbi makina në Shkodër