VIDEO/ Reshjet e dendura shkaktojnë përmbytje në Qeparo

Reshjet e dendura të shiut kanë shkaktuar përmbytje në zonën e Qeparos, ku vërshimi i ujit ka përfshirë rrugë, toka bujqësore dhe disa banesa. Pamjet i përkasin lagjes Valta, ku situata paraqitet më problematike.

Sipas të dhënave, intensiteti i lartë i reshjeve në një kohë shumë të shkurtër e ka bërë të pamenaxhueshme gjendjen, ndërsa infrastruktura kulluese nuk ka arritur të përballojë fluksin e madh të ujit.

Autoritetet vendore dhe strukturat përkatëse ndodhen në terren dhe po punojnë për normalizimin e situatës, si dhe për pastrimin dhe ç’bllokimin e kanaleve nga dheu dhe materialet inerte të sjella nga vërshimi i përrenjve.