Rezultatet/ 16 gola në mbrëmjen e play-off-it për Botërorin 2026, Italia fiton dhe siguron finalen ndaj Bosnjës

Mbrëmja e së enjtes rezervoi emocione në gjysmëfinalet e “play-off”-it të Botërorit 2026 për zonën evropiane, ku u shënuan 16 gola në 5 sfida. Italia dhe Danimarka bënë detyrën në shtëpi, duke fituar respektivisht ndaj Irlandës së Veriut dhe Maqedonisë së Veriut, ndërkohë Suedia mposhti 3-1 Ukrainën në Valencia.

Dy sfida shkuan në shtesë dhe u vendosën nga penalltitë ku Çekia mposhti Irlandën, ndërsa Bosnja surprizoi Uellsin.

Kosova fitoi 3-4 në Bratislavë kundër Sllovakisë dhe më 31 mars pret Turqinë në Prishtinë. Në Bergamo, Italia fitoi 2-0 me golat e Tonalit dhe Kean në pjesën e dytë kundër Irlandës së Veriut dhe të martën luan kundër Bosnjës në Sarajevë, që kaloi Uellsin pas penalltive.

Çiftet finale të play-off-it janë: Bosnjë dhe Hercegovinë – Itali, Suedi – Poloni, Kosovë – Turqi dhe Çeki – Danimarkë.

Rezultatet:

Itali – Irlandë e Veriut 2-0

Çeki – Irlandë 2-2 (4-3 me penallti)

Danimarkë – Maqedoni e Veriut 4-0

Ukrainë – Suedi 1-3

Uells – Bosnjë dhe Hercegovinë 1-1 (2-4 me penallti)

Poloni – Shqipëri 2-1

Sllovaki – Kosovë 3-4

Finalet e play-off-it, 31 mars 2026

Bosnjë dhe Hercegovinë – Itali

Suedi – Poloni

Kosovë – Turqi

Çeki – Danimarkë