Rezultatet e numërimit në 12 qarqet e vendit, cila parti kryeson

Procesi i numërimit të votave vijon në 12 qarqet e vendit. Bazuar në të dhënat e KQZ dhe të përpunuar nga Euronews Albania deri në orën 05:00, vihet re se Partia Socialiste deri në këto momente vijon të kryesojë në rang kombëtar.

Në qarkun Shkodër, Partia Demokratike kryeson me 40.4% në krahasim me Partinë Socialiste, e cila deri tani ka marrë 28.6%, kurse LSI ka siguruar 8.1% të votave-kliko këtu për të parë hartën interaktive.

Në qarkun e Kukësit, Partia Demokratike kryeson bindshëm me 64.45 % kundrejt Partisë Socialiste me 34.05% dhe LSI  me 0.11%-kliko këtu për të parë hartën interaktive.

Gjithashtu, sipas të dhënave që raporton Komisioni Qendror i Zgjedhjeve rezulton se PD kryeson edhe në qarkun e Lezhës me 45.1% kundrejt PS me 42.65% dhe LSI me 7.8%-kliko këtu për të parë hartën interaktive.

Kurse në Dibër Partia Socialiste deri në këto momente renditet e para me 46.29%, PD me 43.75% dhe LSI me 6.71%-kliko këtu për të parë hartën interaktive.

Po ashtu edhe në Durrës Partia Socialiste konfirmohet si kryesuese me 66.91%,  PD me 29.52 % dhe LSI me 1.36 %-kliko këtu për të parë hartën interaktive.

Në qarkun e Tiranës, i cili është edhe qarku më i madh në vend, Partia Socialiste vijon të kryesojë me 51.96% të votave, kundrejt PD e cila deri tani ka marrë 35.51 vota dhe LSI me 6.37%-kliko këtu për të parë hartën interaktive.

Po ashtu edhe në Elbasan Partia Socialiste renditet e para me 55.27%, PD 37.31% dhe LSI me 4.32 %-kliko këtu për të parë hartën interaktive.

Të dhënat e pasqyruara nga Komisioni Qendror i Zgjedhjeve theksojnë se në qarkun e Fierit Partia Socialiste kryeson bindshëm kundrejt rivalëve politikë, përkatësisht me 52.39%, PD me 38.82% dhe LSI me 5.44%-kliko këtu për të parë hartën interaktive.

Në qarkun e Beratit, PS-ja vijon të jetë parti e parë me 54.67%, PD me 29.96%, kurse LSI ka marrë vetëm 13.15% të votave-kliko këtu për të parë hartën interaktive.

Ndërkohë edhe në qarkun juglindor të Korçës Partia Socialiste rezulton se deri tani ka siguruar 49.64% të votave, PD 38.87% dhe LSI 8.67%-kliko këtu për të parë hartën interaktive.

Në qarkun Vlorë, aty ku kandidon për deputet kryeministri Edi Rama, PS-ja ka arritur të marrë 59.74%, PD 30.58%, kurse LSI 6.32%-kliko këtu për të parë hartën interaktive.

Po ashtu edhe në Gjirokastër Partia Socialiste ka siguruar 54.43%, PD 30.11% dhe LSI me 12.27%-kliko këtu për të parë hartën interaktive.