“Ricchi e poveri” në Vlorë, grupi italian i viteve 80’ interpreton në Vlorë

Ricchi e Poveri, grupi i njohur italian i viteve 80’ është ngjitur për herë të parë mbrëmjen e së martës në skenën e “Petro Markos”.

Për artdashësit që tejmbushën sallën e teatrit të Vlorës, artistët italiane Angela Brambati dhe Angelo Sotgiu kanë performuar këngët më të bukura të tyre. Për 90 minuta spektatorët kanë qëndruar në këmbë duke kënduar bashkë me artistët italianë.

Artistët italianë Anxhela Brambati dhe Anxhelo Sogiu, në fund të koncertit u treguan  shumë falënderues dhe mirënjohës për pritjen e publikut vlonjat. Ata premtuan se do të rikthehen përsëri në Vlorë edhe për pushime.

“Një emocion shumë i madh , një publik i mrekullueshëm që këndonte me ne , shumë e bukur , nuk ka fjalë për të përshkruar gëzimin dhe lumturinë,” – u shpreh Brambati.

“Kemi pasur emocion gjithë mbrëmjen, të dëgjosh këta njerëz të mrekullueshëm që këndonin bashkë me ne për ne është e jashtëzakonshme. Na pyetën nëse do të jemi sërish në Vlorë këtë herë në një shesh, ne pranuam me shumë kënaqësi, por do të vijmë patjetër edhe për pushime,” – tha Sotgiu.

Grupi muzikor Italian nuk do të jetë i vetmi që do të vijë në qytetin bregdetar, pasi priten edhe emra të tjerë të mëdhenj si Toto Cotungo, Albano Carrisi, Pupo dhe Vasco Rossi.

Artistët italianë të grupit mitik janë nderuar nga kryebashkiaku i Vlorës  me titullin “Mirënjohje e qytetit”.

LEXONI GJITHASHTU:

• Voshtina sjell muzikalin “Callas and Onassis” në Teatrin e Operës dhe Baletit
• Gjergj Prevazi emërohet drejtor i Teatrit Kombëtar Eksperimental ‘Kujtim Spahivogli’