“Ringjallet” roboti japonez/ “Slim” jep sinjale nga hëna dhe rifillon misionin

29 Janar 2024 | 18:06

Roboti japonez në Hënë ka rifilluar operacionet e tij pasi u fik për një javë, për shkak të një problemi në furnizimin me energji.

Agjencia Hapësinore Japoneze deklaroi se kishte rivendosur kontaktin me mjetin e saj, duke nënvizuar se problemi ishte riparuar.

Qelizat diellore të robotit të quajtur “Slim” po punojnë sërish pasi një ndryshim i kushteve të ndriçimit i mundësoi të kapte dritën e Diellit, bëri të ditur agjencia.

Mjeti nuk mundi të gjeneronte energji kur zbarkoi më 20 janar, pasi qelizat diellore u shkëputën nga planeti i zjarrtë.

Objekti pati probleme me bateritë për disa orë përpara se autoritetet të vendosnin ta fiknin për të lejuar një rikuperim të mundshëm të elektricitetit kur këndi i dritës së Diellit të ndryshonte.

Tani që është sërish në funksion, “Slim” do të analizojë përbërjen e shkëmbinjve në kuadër të studimeve për origjinën e hënës.

Përmes këtij operacioni, Japonia bëhet vendi i pestë në botë që arrin të zbarkojë në Hënë pas Shteteve të Bashkuara, ish-Bashkimit Sovjetik, Kinës dhe Indisë.

“Slim” u ul në brezin e një krateri ekuatorial të njohur si Shioli, brenda 55 metrave nga pika ku ishte planifikuar zbarkimi.

Agjencia Hapësinore Japoneze e cilësoi operacionin një “ulje me saktësi të paprecedent”. 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Rubio: Çdo marrëveshje me Iranin do të sigurojë sigurinë e aleatëve të Gjirit

Sekretari i Shtetit i SHBA-së, Marco Rubio u tha aleatëve të Gjirit të enjten se çdo marrëveshje me Iranin do të merrte parasysh interesat e...
11:42 | 25/06/2026

SHBA kërkon 88 miliardë dollarë pas luftës në Iran, Trump: Teherani nuk do ketë armë bërthamore, aleatët europianë na braktisën

Presidenti i SHBA-së, Donald Trump, deklaroi se marrëveshja e arritur me Iranin ka garantuar që Teherani të mos zotërojë kurrë armë bërthamore, duke e cilësuar...
11:41 | 25/06/2026

Elon Musk zbret nën kufirin e 1 trilion dollarëve pas goditjes në tregjet financiare!

Pasuria e Elon Musk ka pësuar një tkurrje të konsiderueshme ditët e fundit, duke e nxjerrë atë për momentin nga klubi i personave me mbi...
11:39 | 25/06/2026