Ritet bilanci i viktimave nga tërmeti në Kinë: Të paktën 95 të vdekur

Tërmeti 7.1 ballë të shkallës Rihter që goditi rajonin malor të Tibetit këtë të martë në mëngjes, ka shkaktuar mjaft humbje jete dhe disa të plagosur. Numri i të vdekurve, i dhënë nga media shtetërore kineze, tani është rritur në 95 dhe 130 persona u raportuan të jenë lënduar.

“Gjithsej 95 persona janë konfirmuar të vdekur dhe 130 të tjerë të plagosur që nga ora 15:00 (07:00 GMT),” tha agjencia e lajmeve kineze Xinhua.

Gjithashtu, për pasojë mbi 1000 shtëpi janë dëmtuar nga tërmeti në Tibet të Kinës.

Ka tre qyteza dhe 27 fshatra brenda 20 km (12 milje) nga epiqendra e tërmetit, i cili e kishte epiqendrën e tij lart në rrafshnaltën e largët tibetiane afër kufirit Himalayan me Nepalin , rreth 50 milje në veri të malit Everest .

Këto zona të prekura kishin një popullsi totale prej rreth 6,900, raportoi media shtetërore kineze. Më shumë se 1000 shtëpi raportohet se janë dëmtuar.

Sipas raportimeve, epiqendra e tërmetit me magnitudë 7.1 është e vendosur në Tingri , një qark rural kinez i njohur si porta veriore për në rajonin e Everestit.

Forcat ajrore kineze kanë nisur përpjekjet e shpëtimit dhe dronët në zonën e prekur mes kushteve nën ngrirje.

LEXONI GJITHASHTU:

• Tërmet në rajonin malor të Tibetit në Kinë: 53 të vdekur dhe 62 të plagosur
• Rriten rastet në SHBA, perëndimi kërkon përgjigje për shpërthimin e virusit në Kinë