Romana Vlahutin reagon për arrestimin e Metës: Nuk ka të paprekshëm

Ish-ambasadorja e Bashkimit Evropian në vendin tonë Romana Vlahutin ka reaguar në lidhje me arrestimin e kreut të Partisë së Lirisë Ilir Meta.

Në një postim në rrjetin social “X”, ajo përshëndet vendimin për arrestimin e Metës ndërsa shprehet se “nuk ka të paprekshëm” para drejtësisë.

“Reforma e drejtësisë në të gjithë forcën e saj. Nuk ka të paprekshëm. Kjo është edhe një mësim i madh për këdo që do ligjin dhe rregullin, mos kini frikë. Drejtësia mund të jetë e ngadaltë, por në fund shërbehet”, shkruan ajo.

Meta u vu në pranga me urdhër të SPAK nga agjentët e BKH dhe forca civile në hyrje të Tiranës teksa po lëvizte me mjetin e tij në drejtim të selisë ku kishte njoftuar konferencë.

LEXONI GJITHASHTU:

• Arrestohet me urdhër të SPAK ish-presidenti Ilir Meta
• Paralajmëroi konferencë për shtyp, si u arrestua Ilir Meta duke shkuar në seli