Paralajmëroi konferencë për shtyp, si u arrestua Ilir Meta duke shkuar në seli

Ish-presidenti dhe njëkohësisht kreu i partisë së Lirisë, ilir Meta është arrestuar këtë të hënë me urdhër të SPAK.

Përmes një njoftimi në rrjete sociale ky i fundit kishte thirrur një konferencë për mediat në orën 13:40.

Gazetari i Euronews Albania Eni Ferhati raporti se Meta është arrestuar nga agjentët e BKH dhe forca civile në hyrje të Tiranës teksa po lëvizte me mjetin e tij në drejtim të selisë ku kishte njoftuar konferencë.

Mësohet se Meta nuk ka shfaqur rezistencë ndaj agjentëve të BKH, në mëyrë që të shoqërohej nga ta sipas një vendimi me urdhër të SPAK të lëshuar nga një Dhomë Këshillimi.

Sipas informacioneve paraprake, ky arrestim lidhet me hetimet e zhvilluara prej disa kohësh nga SPAK për çështjen CEZ DIA për të cilën Meta është paraqitur 2 herë në SPAK. Lidhur me këtë dosje ka pasur edhe një hetim pasuror për të dhe ish-bashkëshorten e tij Monika Kryemadhi

Lajmi për arrestimin e Metës është konfirmuar edhe nga kreu i PD, Sali Berisha në një deklaratë për mediat.

“Persekutimi i Kreut të PL është politik. Nuk kanë publikuar asnjë dokument por kanë zbatuar urdhrat e Ramës, i cili është përpjekur me të gjitha mënyrat për eliminimin politik dhe ndoshta fizik të Ilir Metës”, tha Sali Berisha.

LEXONI GJITHASHTU:

• Arrestohet me urdhër të SPAK ish-presidenti Ilir Meta
• Skandali CEZ-DIA, Gjykata e Lartë rrëzon rekursin e Kastriot Ismailajt