Rrëfehet mjeku izraelit: Nuk janë bombarduar spitalet në Gaza, por bazat terroriste

Mjeku izraelit Gedalya Fendel është shprehur se në Gaza nuk janë bombarduar spitalet, por bazat terroriste.

Komentet Fendel i bëri përmes një lidhjeje direkte në emisionin “Good Morning Albanians” në EuroNews, ku tha se kudo në Gaza ka njerëz të vdekur, por që sipas tij, nuk janë vrarë nga ushtria izraelite, por nga Hamasi.

Ai tha gjithashtu se është jo vetëm në shërbim të ushtrisë izraelite, por edhe të çdo personi tjetër në Gaza që ka nevojë për ndihmë.

“E kuptoj që po pyet për Gazën, por ato nuk janë spitale, janë zona terroristësh. Ne kemi gjetur armë. Jam me ushtrinë izraelite brenda Gazës, duke ndihmuar ushtarët e plagosur dhe këdo tjetër që është plagosur.

Nuk mund të jap më tepër informacion se ku ndodhem. Unë jam vetëm me ushtrinë. Kushdo që ka nevojë për ndihmë, ose palestinas. Kam parë njerëz të lënduar. Kam ndihmuar një zonjë, derisa ajo u stabilizua.

Prandaj jemi në Gaza, ky është qëllimi ynë. Ne shohim në rrugë njerëz të vdekur, asnjë nuk i ka vrarë nga Izraeli, por i ka vrarë Hamasi”, është shprehur mjeku.

LEXONI GJITHASHTU:

• Kurti takim me Kearnsin: Serbia duhet të ndëshkohet për sulmin në Banjskë
• Pallati i Versajës evakuohet pas kërcënimit me bombë, alarmi i shtatë në tetë ditë