Rrëfimi i Mirelës, gruas që mundi kancerin: Do jetoj, nuk më mposht asgjë

7 Tetor 2022 | 11:59

Mirela Shehu, një vit më parë do të futej në sallë të operimit, pa e ditur nëse do të dilte apo jo gjallë. Një gjendër në gjoks po i rrezikonte jetën.

“Para një viti u diagnostikova nga kanceri i gjirit. Gjoksi m’u bë shumë i dukshëm, diçka nuk po shkonte me trupin tim, pata enjtje të gjoksit”, u shpreh ajo.

Diagnostikimi me kancer të gjirit e tronditi. Moskryerja e kontrolleve kishte bërë që sëmundja të ishte një hap para saj.

“Në stadin e dytë, mendimi i parë m’u dhimbs jeta. Stafi i onkologjikut më tha ‘Ke bërë një gabim të madh, po ta kishe kapur që në moment, mbase gjoksi nuk do të hiqej’”, tregoi ajo.

Një grua që gjithmonë kurohej për t’u ndjerë dhe dukur e bukur, tani duhej të përballej me ndryshimet në trupin e saj.

“Që në terapinë e parë mua më ra floku,e kisha flokun e gjatë, i shkurtova; dhe mendo, kur laheshe të binte floku, ishte diçka e dhimbshme. Kam qenë gjithmonë një grua e mbajtur, nuk po mendoja të dukesha e bukur”, tha ajo më tej.

48 vjeçarja nuk iu dorëzua sëmundjes. Donte të gëzonte vajzën e saj.

“Thashë, unë do jetoj që të kryej misionin si nënë. Frikën e ndjeva, por i dhashë forcë vetes”, u shpreh ajo më tej.

Mirela ka një thirrje për çdo grua: të bëjë mamografinë, pasi mund të jetë shumë vonë.

“Falenderoj zotin për këtë dhuratë, jeta është një dhuratë për mua, e kam një jetë të dytë”, tha ajo.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Mot i keq në Shkodër, autoritetet apel qytetarëve: Shmangni zonat me risk

Territori i Bashkisë së Shkodrës është përfshirë mbrëmjen e së martës nga reshje të denduara shiu, ndërsa autoritetet lokale bëjnë me dije se strukturat e...
23:16 | 03/06/2026

Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet

Edhe pse protesta e qytetarëve u njoftua se është mbyllur pas disa orësh, dhjetëra të rinj kanë shkuar pranë ambienteve të selisë së PS-së. Ata...
22:28 | 03/06/2026

Debat në “Now”, Nurellari: Duhet mbrojtur natyra! Ish-ministri Bajrami: Ka tentativë për destabilizim, Koka: U derdh gota e durimit

Politologu, Adri Nurellari i ftuar këtë të mërkurë i ftuar në emisionin “Now” me Erla Mëhillin në Euronews Albania ka folur lidhur me protestat e...
22:14 | 03/06/2026