Rrëshqitje dheu në Sudan, mbi 1000 të vdekur, vetëm 1 i mbijetuar

Një rrëshqitje dheu ka vrarë të paktën 1,000 persona në malet e largëta Marra në Sudanin perëndimor, sipas grupit të armatosur Lëvizja/Ushtria Çlirimtare e Sudanit.

Ditët e shiut të rrëmbyeshëm shkaktuan rrëshqitjen e dheut të dielën, e cila la vetëm një të mbijetuar dhe “rrafshoi” pjesën më të madhe të fshatit Tarasin, tha grupi në një deklaratë. Lëvizja ka kërkuar ndihmë humanitare nga Kombet e Bashkuara dhe organizata të tjera rajonale dhe ndërkombëtare.

Shumë banorë nga shteti i Darfurit të Veriut kishin kërkuar strehim në rajonin e Maleve Marra, pasi lufta midis ushtrisë sudaneze dhe Forcave paraushtarake të Mbështetjes së Shpejtë (RSF) i detyroi ata të largoheshin nga shtëpitë e tyre.

Guvernatori i Darfurit, i lidhur me ushtrinë, Minni Minnawi, e quajti rrëshqitjen e dheut një “tragjedi humanitare”.

Lufta civile që shpërtheu në prill të vitit 2023 midis ushtrisë sudaneze dhe RSF-së e ka zhytur vendin në uri dhe ka çuar në akuza për gjenocid në rajonin perëndimor të Darfurit.

LEXONI GJITHASHTU:

• Belgjika njofton njohjen e Palestinës dhe vendosjen e sanksioneve ndaj Izraelit
• Qytetarët duan ndryshim të qeverisë/ Mijëra njerëz protestojnë në Serbi