Rrëshqitjet e tokës, të bllokuara rrugë fshatrash në Qarkun e Gjirokastrës

Rrugë fshatrash në Qarkun Gjirokastër vazhdojnë të jenë të bllokuara si shkak i rrëshqitjeve të tokës.

Rrugët hyrëse të fshatrave Zhej, Lliar dhe Topovë, Bashkia Libohovë, vazhdojnë të jenë të bllokuara për shkak të rrëshqitjeve të dherave.

Në Bashkinë Këlcyrë është e bllokuar nga dherat rruga në fshatin Luar. Probleme për qarkullimin e automjeteve ka edhe në fshatra të tjerë të qarkut ndërsa aktualisht lëvizja kryhet me mjete të larta.

Strukturat e emergjencave në bashkëpunim me Forcat e Armatosura edhe gjatë ditës së sotme do të vazhdojnë ndërhyrjen për largimin e dherave dhe inerteve nga segmentet rrugore.