Rreth 190 trupa civilësh dhe ushtarësh gjenden në varret masive në Ukrainë

Autoritetet ukrainase kanë vazhduar deri më tani me zhvarrosjen e trupave të 35 ushtarakëve dhe 152 civilëve në qytetin Liman në rajonin e Donjeckut, i cili u rikthye nga ushtarët ukrainas disa ditë më parë.

Këtë e bëri të ditur zëdhënësja e policisë së rajonit të Donjeckut, gjatë një konference në Qendrën e Shtypit të Ukrainës.

“Trupat e 35 ushtarëve të Forcave të Armatosura të Ukrainës u varrosën në Liman në varret masiv. Sa për civilët, 152 trupa u zhvarrosën nga varret masive, “tha zëdhënësja.

Hetuesit vazhdojnë të punojnë në vendet e varrimit dhe numri i trupave të pajetë po rritet çdo ditë, shtoi policia.

Zëdhënësja e policisë theksoi se shumica e trupave kanë shenja të lëndimeve nga minat dhe eksplozivët, ndërsa ka edhe trupa me plagë nga armë zjarri, shkruajnë mediat e huaja. 

Siç raportohet, në Liman, banorët kanë vënë në dukje praninë e dy varreve masive, njëra prej të cilave kishte trupa ushtarësh dhe tjetra të civilëve.

LEXONI GJITHASHTU: 

• BE në telashe, ‘Norvegjia po përfiton në mënyrë të turpshme nga lufta në Ukrainë’
• Ibrahimaj: Lufta në Ukrainë ndikim negativ, presim rritje ekonomike 3.7% në 2022
• Berisha: Bojkoti, vendim i rëndësishëm për të mos lejuar shuarjen e universiteteve