Rreth 50 mijë të vdekur nga tërmetet në Turqi dhe Siri

Përmasat reale të shkatërrimeve në Turqi dhe Siri nuk dihen ende, por operacionet e rikuperimit gradualisht po ngadalësohen. Kërkimet për të trupa, të gjallë apo të vdekur, po vazhdojnë aktualisht vetëm në dy nga rajonet më të prekura, Hataj dhe KAHRA-MAN-MARAS.

Në Hataj, presidenti Recep Tayyip Erdogan ndoqi nga afër operacionet. Mes njerëzve ka ende zemërim ndaj qeverisë së tij për përgjigjen e ngadaltë të autoriteteve ndaj katastrofës.

Ndërsa kuota e vdekjes po shkon me ngadalë drejt 50 mijëshit, përpjekjet për të ndihmuar disa mijëra të zhvendosurit po konsolidohen. Në zona të tjera të Hatajës, një kishë ortodokse ka bashkuar të gjitha komunitetet.

“Ne jemi pjesëtarë të komunitetit mysliman. Ne i ndihmojmë vëllezërit tanë tek kjo kishë, duke sjellë ushqim për ta. Kështu është qyteti ynë. Kurdët, turqit, myslimanët, të krishterët dhe hebrenjtë jetojnë në paqe”, u shpreh Mehmet Aslan, pjesëtar i komunitetit arab në Hataj.

Sidoqoftë, shumë të mbetur të pastrehë nga tërmetet rrezikojnë të qëndrojnë me muaj, në mos vite në akomodimet e përkohshme.