Rrezikohet mbyllja e 14 prokurorive me hartën e re gjyqësore

Institucioni i Këshillit të Lartë të Prokurorisë preket direkt nga harta e re gjyqësore, pasi 9 prokurori në rrethe dhe 5 prokurori Apeli rrezikojnë të shkrihen.

Gazetari Eni Ferhati raportoi se në mbledhjen e sotme ka pasur diskutime të shumta, ku një nga anëtarët e KLP-së, Tartar Bazaj është shprehur se kjo hartë e re gjyqësore i jep përparësi Tiranës.

“Duket sikur është një hartë e ngutshme dhe e nxitur ndërkohë që sipas tij i jepet një përparësi Tiranës dhe nuk është Tirana e gjithë Shoqëria. Kjo hartë shkakton koste edhe për qytetarët”, është shprehur ai.

Për më shumë se një javë një pjesë e avokatëve në mbarë vendin janë futur në grevë,  hartën e re gjyqsore. Nuk ka munguar bojkotimi i seancave gjyqësore nga ana e tij.

13 gjykata të shkallës së parë, 2 gjykatë administrative dhe 1 gjykata apeli për të gjithë vendin. Ky është përfundimisht propozimi i Këshillit të Lartë Gjyqësor për hartën e re gjyqësore në vend.

KLP është institucioni i parafundit që do të japë mendimin në Ministrinë e Drejtësisë.

Më pas është Ministria e Financave që do të bëjë një përllogartije të shpenzimeve dhe kjo hartë pritet t’i kalojë qeverisë për miratim.

LEXONI GJITHASHTU:

• Harta e re gjyqësore, presidenti Meta: Fsheh problematikat
• Avokatët në grevë për 4 ditë, kundërshtojnë hartën e re gjyqësore