“Rrezikohet shëndeti i njerëzve”, Guri: Nuk kemi landfille për mbetjet

Ambientalisti Sazan Guri ishte i ftuar në “Barometri” në Euronews Albania për të diskutuar tonelatat e mbetjeve industriale të cilat priten të mbërrijnë në Shqipëri mbrëmjen e së hënës.

Guri shprehu shqetësim për rrezikun që paraqesin mbetjet toksike në Shqipëri, duke theksuar se ato janë njërrezik për shëndetin e njerëzve. Ai theksoi se Shqipëria nuk ka një landfill të veçantë për trajtimin e këtyre mbetjeve, duke i trajtuar ato me mbetjet e zakonshme, çka rrit rrezikun e kontanimit të ujit, ajrit dhe tokës.

“Ne nuk kemi landfille. Kurumi nuk ka filtra, por dhe po të ketë nuk i përdor. Në 6 muaj kam qenë prezent te “Kurumi” dhe kam parë ndotjen e tymit që nuk dilte nga filtri por nga kati tretë i çatisë. Pra jo rastësisht kemi sëmundjet onkologjike për moshë, për frymë, për numrin 1000 banorë më të lartë në botë, kemi moshën më të ulët në botë që preket nga sëmundjet kanceroze. Ndotja mjedisore është ndotja direkte te shëndeti i njeriut,” tha Guri.

Në vijim Guri kërkoi analiza për mbetjet që do ankorohen në portin e Durrësit, për të parandaluar pasojat fatale që mund të ndodhin në shëndetin e njerëzve.

LEXONI GJITHASHTU:

• Mbetjet toksike apo të rrezikshme, Gupi: Kanë dallim, duhet analizuar ngarkesa
• Manjani për mbetjet toksike: Nëse përmbajnë plumb, vendi kthehet në onkologjik;