Ministri i Punëve të Brendshme të Kosovës, Xhelal Sveçla thotë se në veri ka prani të shtuar të instrumenteve të sigurisë të vendit, por edhe të aleatëve si KFOR-i dhe EULEX-i, për shkak të rrezkut të destabilitet për vendimin për targat.
Në një intervistë për Euronews Albania, Sveçla nënvizoi se ka një seriozitet të shtuar të tyre, pas luftës në Ukrainë.
Ai shtoi se Kosova ruan raporte shumë të mira me të gjithë institucionet e bashkësisë ndërkombëtare.
“Ne në vazhdimësi kemi raporte shumë të mira me të gjithë institucionet e bashkësisë ndërkombëtare, edhe me KFOR-in, edhe me EULEX-in. Çështja është se tashmë kemi një seriozitet të shtuar të tyre, duke parë edhe praktikat për të cilat jemi dëshmitar për luftën në Ukrainë dhe duke dashur që të parandalojmë një situatë të tillë, kemi përgatitjen më të mirë të të gjithëve, veçanërisht në pjesën veriore të Republikës së Kosovës, ku ka polici të shtuar, ka angazhim të shtuar të instrumenteve të sigurisë së Kosovës, por edhe të aleatëve tanë”, theksoi ai.
Më 28 tetor, kryeministri i Kosovës, Albin Kurti ka prezantuar planin – që pritet të zgjasë deri më 21 prill – për targat e makinave që lëshohen nga autoritetet serbe në qytetet e Kosovës.
Sipas planit, të gjithë pronarët që kanë makina me këto targa do të marrin paralajmërime nga 1 nëntori dhe kjo masë do të vazhdojë për tri javë – deri më 21 nëntor.
LEXONI GJITHASHTU
- Sveçla për vendimin për targat: SHBA-të nuk janë zhgënjyer me Kosovën
- Ministria e Brendshme e Kosovës: Pas 21 nëntorit gjobë 150 euro për targat serbe
- Price: I kërkuam Kosovës shtyrjen e plotë e jo të pjesshme të vendimit për targat
