Rrëzohet helikopteri në Nepal, 5 të vdekur

Pesë persona humbën jetën kur një helikopter u rrëzua sot në malet në veri të kryeqytetit të Nepalit, Katmandu, tha policia.

Helikopteri u ngrit nga aeroporti ndërkombëtar në Katmandu dhe po shkonte drejt qytetit Syaprubesha, raporton AP.

Helikopteri i përkiste kompanisë së helikopterëve nepaleze “Air Daynasti”, dhe humbi kontaktin me kontrollin e trafikut ajror pak minuta pas ngritjes.

Mes të vdekurve janë katër shtetas kinezë, ndërsa piloti është nga Nepali. Nuk dihen ende detaje të tjera.