“Rritëm tregtinë dypalëshe”, Erdogan në Greqi: Të gjejmë zgjidhjen për Qipron

Presidenti turk Rexhep Tajip Erdogan tha në një konferencë të përbashkët me kryeministrin grek Kiriakos Mitsotakis se kanë rënë dakord të rrisin tregtinë dypalëshe në 10 miliardë.

Ata u takuan fillimisht në pallatin Maximos në prani të delegacioneve të vogla të ministrave grekë dhe turq.

Erdogan theksoi se do të jetë në interes të të gjithë rajonit që të arrihet një zgjidhje e drejtë dhe e qëndrueshme për çështjen e Qipros. President turk shprehu gjithashtu pritshmëritë për përmirësimin e situatës së minoritetit turk në Trakinë Perëndimore.

Ndërkohë, edhe Mitsotakis ishte i mendimit se Greqia dhe Turqia duhet të jetojnë në paqe dhe të gjejnë zgjidhje për problemet e tyre. Sipas tij, ato probleme që nuk mund të zgjidhen, nuk duhet të çojnë në kriza mes dy vendeve.

LEXONI GJITHASHTU:

• Kyriakos Mitsotakis deklaratë të përbashkët me presidentin turk Erdogan
• Erdogan- Mitsotakis do diskutojnë për Belerin? Gazetari zbardh skenarin e takimit