Rriten rastet me HIV në Elbasan, 12 të reja në vitin 2025, në total janë 136 raste

Rastet me HIV në qytetin e Elbasanit kanë shënuar rritje gjatë vitit 2025. Sipas të dhënave zyrtare, janë konfirmuar 12 raste të reja, duke e çuar në 136 numrin total të personave të infektuar në këtë qytet. Të prekurit i përkasin kryesisht grupmoshës 26 deri në 65 vjeç, ndërsa rreth 65% e rasteve janë meshkuj.

“Situata aktuale e HIV/AIDS jo vetëm në Elbasan, por në të gjithë Shqipërinë kërkon vëmendje të vazhdueshme, informim dhe ndërgjegjësim. Stigma dhe mungesa e testimit në kohë mbetet një sfidë kryesore. Rreth 70% e rasteve janë infektuar nga marrëdhënie të pambrojtura. Në vitin 2025 kemi pasur 12 raste të reja, duke e çuar numrin total në 136, prej të cilëve 53 femra dhe 83 meshkuj”, tha Elena Bibaja, Mjeke

Autoritetet shëndetësore theksojnë se, krahas rritjes së rasteve, është vënë re edhe një shtim i ndërgjegjësimit, i reflektuar në rritjen e numrit të testimeve.

“Sa i përket qytetit të Elbasanit, shohim që njerëzit janë më të ndërgjegjësuar dhe numri i testimeve është rritur. Testimi i hershëm shpëton jetë. Çdo person që ka dyshime apo ka kryer marrëdhënie të pambrojtura duhet të kryejë testime për HIV, por edhe për Hepatitin B, Hepatitin C dhe sifilizin”, shtoi mjekja.

Specialistët bëjnë apel për më shumë kujdes, informim dhe testim të rregullt, si mënyrat më efektive për parandalimin dhe menaxhimin e infeksioneve