Rritet interesi për vaksinën e fruthit/ 13 mijë fëmijë të pavaksinuar në Tiranë

Alarmi se vendi ka rrezik nga shpërthime epidemike të fruthit, ka bërë që në dyer e konsultoreve të shtohen kërkesat për vaksinë.

Vetëm në Tiranë numërohen 13 mijë fëmijë të pavaksinuar. Mjekët pediatër pohojnë se edhe në poliklinikat ku nuk ka pasur raste të konfirmuar, interesi për ti imunizuar fëmijët është rritur.

Në disa poliklinika ecuria e vaksinimit të fëmijëve 1 dhe 5 vjeç kundër fruthit është tejet e lartë.

Mjekët pediatër thonë se fruthi zakonisht haset në dimër dhe pranverë, por nëse fëmijët nuk do të vaksinohen, shtohet risku për ta pasur këtë sëmundje të pranishme gjatë gjithë vitit.

Ata apelojnë që prindërit të mos e shmangin vaksinën , pasi ajo mbron deri ne 96% nga infektimi. Aktualisht fruthi është i përhapur në shifra alarmante në të gjithë Europën. Në Shqipëri janë identifikuar vetëm 18 fëmijë të infektuar.

LEXONI GJITHASHTU: 

• EMRAT| “Sundimi i ligjit”, arrestohen 2 persona të shpallur në kërkim
• Zbardhet plagosja e rëndë në Korçë, bie pista e grabitjes, arrestohet autori