Rritet interesi për zgjedhjet në BE, Eurobarometri: Udhëheqin çështjet ndërkombëtare

Interesi qytetar në zgjedhjet euro-parlamentare po rritet gradualisht, sugjeron edicioni më i fundit i Eurobarometrit.

Anketa tregon se 60% e qytetarëve evropianë janë “shumë të interesuar” ose “disi të interesuar” në zgjedhjet e qershorit. Si për kontrast, 40 për qind janë “jo shumë të interesuar”, ose “aspak të interesuar”.

Shifrat përkthehen në një tendencë për rritjen e pjesëmarrjes në votim. 71% e të pyeturve thanë se kanë gjasa që ta hedhin votën për zgjedhjen e përfaqësuesve të tyre në Bruksel, një rritje me 10 pikë që prej 2019-s.

Situata e paparashikueshme gjeopolitike duket se rëndon më shumë; me 81% të qytetarëve që thonë se konteksti ndërkombëtar e bën votimin edhe më të rëndësishëm.

Gjithashtu, në fokus të votuesve është kriza e kostos së jetesës; me varfërinë, shëndetin publik dhe vendet e reja të punës që janë 3 prioritetet kryesore.

Një tjetër aspekt i vënë në dukje nga Eurobarometri është perceptimi i vetë Parlamentit Evropian. 40 për qind e qytetarëve kanë një mendim pozitiv duke qenë se është i vetmi institucion që zgjidhet. Ndërsa 40 për qind të tjerë thonë se kanë një qëndrim neutral dhe 18% e kanë negativ.

Kjo është hera e parë që perceptimi pozitiv barazon perceptimin neutral. Eurobarometri do të publikohet i fundit zgjedhjeve, të planifikuara për më 6 deri më 9 qershor.

LEXONI GJITHASHTU:

• Kërcënimet e Putin me luftë bërthamore, reagon Bashkimi Evropian
• Bashkimi Evropian miraton sanksione të reja që synojnë prodhimin e dronëve të Rusisë