Rritet presioni mbi Venezuelën, anija luftarake amerikane në brigjet e Karaibeve

Administrata Trump ka rritur presionin mbi Venezuelën fqinje dhe Presidentin e saj, Nicolas Maduro, pasi vendosi një anije luftarake amerikane në kryeqytetin e Trinidad dhe Tobagos të dielën, raporton NBC News.

Në vijim të kësaj, Maduro e kritikoi vendosjen e anijes në brigjet e Karaibeve si një përpjekje nga qeveria amerikane për të sajuar “një luftë të re të përjetshme” kundër vendit të tij.

Zyrtarët qeveritarë të SHBAS-së, thanë se anija luftarake do të qëndoj në Trinidad deri ditën e enjte, me qëllim kryerjen e ushtrimeve stërvitore.

E Ngarkuara me Punë e Ambasadës Amerikane, Jenifer Neidhart de Ortiz, tha në një deklaratë se ushtrimet synojnë “të adresojnë kërcënimet e përbashkëta si krimi transnacional dhe të ndërtojnë rezistencë përmes trajnimeve, misioneve humanitare dhe përpjekjeve të sigurisë”.

Të dielën, Venezuela tha se “kryerja e rrezikshme e ushtrimeve ushtarake” në ujërat e një vendi fqinj përbën një “kërcënim serioz” për rajonin e Karaibeve dhe një “provokim armiqësor” ndaj kombit të Amerikës së Jugut, sipas një deklarate nga Ministria e Jashtme.

Ndërkohë, Kamla Persad-Bissessar, kryeministrja e Trinidadit dhe Tobagos, ka qenë një mbështetëse e zëshme e pranisë ushtarake amerikane dhe sulmeve ndaj anijeve të dyshuara për drogë në ujërat pranë Venezuelës.

Vizita e anijes luftarake vjen një javë pasi Ambasada e SHBA-së në Trinidad dhe Tobago i paralajmëroi amerikanët të qëndronin larg objekteve qeveritare amerikane atje. Autoritetet lokale thanë se një kërcënim i raportuar kundër amerikanëve shkaktoi paralajmërimin.

Caricom, një bllok rajonal tregtar i përbërë nga 15 vende të Karaibeve, ka bërë thirrje për dialog mes SHBA dhe Venezuelës.

LEXONI GJITHASHTU:

• Venezuela vendos trupa ushtarak përgjatë vijës bregdetare kundër sulmeve amerikane
• Venezuela dislokon trupa, raportohet për sulm të ri të SHBA-së