Rritja e çmimit të naftës, Shell raporton fitime rekord prej 11.3 mld €

Shell shënoi fitime rekord të enjten për të dytin tremujor radhazi. Gjigandi i energjisë përfitoi nga rritja e çmimeve të naftës dhe gazit natyror, të nxitura nga lufta e Rusisë në Ukrainë.

Shell me bazë në Londër tha se fitimet e saj për tremujorin e dytë u rritën në 11.5 miliardë dollarë (11.3 miliardë euro) nga 5.5 miliardë dollarë (5.4 miliardë euro) në të njëjtën periudhë tre mujore vitin e kaluar.

Fitimet e fundit thyen rekordin e saj të vendosur në tremujorin e kaluar, kur kompania regjistroi 9.1 miliardë dollarë (9 miliardë euro) fitime të rregulluara.

Shell tha gjithashtu se do të blinte 6 miliardë dollarë të tjerë (5.9 miliardë euro) në aksione, duke nënvizuar pozicionin e saj të shëndetshëm në para.

Pushtimi rus i Ukrainës ka bërë që çmimet e naftës dhe gazit natyror të rriten pasi kombet refuzuan energjinë ruse dhe reduktimet e furnizimit shkaktuan kërdi në tregje. Rritjet e çmimeve po nxisin inflacionin global ndërsa rritin fitimet në kompanitë e energjisë.

LEXONI GJITHASHTU:

• Shell ka zbuluar një arterie të rëndësishme nafte dhe gazi, thotë Balluku
• Gjiganti i naftës ‘Shell’, 5 mld dollarë humbje pas largimit nga Rusia