Rrogozhinasit fitojnë mes spektaklit, Tirana me hap kampioni

Të dielën ka ulur siparin java e 31-të e Superligës Shqiptare me dy përballje interesante Tirana-Kastrioti dhe Vllaznia-Egnatia.

Kryeqytetasit kanë triumfuar me një gol në limite të shënuar nga Hila me kokë, duke hipotekuar 3 pikëshin e radhës për skuadrën e Orges Shehit. Bardheblutë nuk humbasin që prej derbit me Partizanin, të luajtur më 6 mars. Përballja ndaj krutanëve pati pak raste shënimi, me miqtë tejet të motivuar, kjo dhe për faktin se gjenden në vendin e fundit në tabelë.

Rasti i vetëm ishte ai i goli të shënuar nga Hila, pas krosimit ta ardhur nga Florent Hasani. Në përballjen tjetër të zhvilluar në Shkodër, Vllaznisë ka zhgënjyer para tifozërisë kuq e blu. Rrogozhinasit e udhëhequr nga Edlir Tetova kanë rrëmbyer një fitore spektakolare duke i ofruar eksion falas djepit të futbollit në Shqipëri.

Në pjesën e parë Mëllugja zhbllokoi rezultatin, e më pas me radhë Duamena, Fernando dhe Xhekson, vulosën triumfin 0-4. Kjo ishte një nga humbjet më të thella për klubin shkodran.

Tabela e renditjes vijon të udhëhiqet nga Tirana, më pas në vendin e dytë Partizani dhe në të tretin Egnatia. Të kuqtë e Kolelës gjenden 5 pikë larg Tiranës, ndërsa duket se një ndeshje vendimtare për titullin do të jetë derbi i kryeqytetit.

LEXONI GJITHASHTU:

• Gjysmëfinalet e kupës | Vllaznia përballet me Egnatian, Tirana me Teutën
• Vllaznia largon trajnerin Mirel Josa