English

Rrugët e shkatërruara në Durrës / 50 familje vuajnë mungesën e investimeve

KOMENTE

SHPERNDAJE
ARTIKULLIN

Text sizeAa Aa

Kjo është situata me të cilën përballen sa herë ka reshje shiu më shumë se 50 familje banuese në rrugën “Eqerem Çabej” të lagjes nr.13 në Durrës.

- Advertisement -

“Prej 23-24 vjetësh që jemi vendosur këtu nga ana e bashkisë, me përjashtim të dy dritave, s’është vënë asnjëherë dorë. Gjithmonë këtë rrugë e kemi mbajtur vetë, me shpenzimet tona. Pjesa më e madhe kanë dalë në pension dhe s’janë në gjendje më ta mirëmbajnë, se të rinjtë na kanë ikur.”

Sipas banorëve, gjithçka është rezultat i mungesës së investimeve në infrastrukturën rrugore ndër vite nga ana e pushtetit vendor.

“Unë po bëj 20 vjet që banoj këtu dhe në 20 vjet kjo rrugë ka qenë gjithmonë në diskutim për t’u bërë. E bëjmë këtë vit, e bëjmë vitin tjetër dhe asnjëherë s’u bënë mbarë për ta bërë.”

“Po moj, na thonë që është në plan do bëhet, po se kur e kanë atë plan, 20 vjet nuk u del.”

“Unë jam nxënëse shkolle dhe çdo ditë, sidomos në dimër, bashkë me vëllain tim duhet me dalë nga porta, të hipi të hekurat që të dal këtej.”

“Çizmet duhet të rrinë këtu gjithë kohës, se vijnë që andej, heqin këpucët dhe veshin çizmet që të kalojnë rrugën.”

“Unë jam me invalid. Ku do ta nxjerr, ku të kaloj?”

“Kjo ka 40 vjet. 20 e kusur vjet po i bëj unë këtu. Këtu do kalojë fëmijë i vogël, të gjithë, ku do kalojmë ne?”

Jo më shumë se 250 metra rrugë dhe vetëm 2 km larg nga vija bregdetare, kjo nuk është një panoramë e mirë as për turistët.

“Qeveria po e trumpeton me të madhe, që jemi kthyer në atraksion për turistët, ku do hyjnë turistët këtu.”

“Ka turistë po ku do vijnë të shkretët, këta më parë tremben, ku të vijnë? Të futen këtu nëpër këto pellgjet, të thonë çfarë janë këta? Edhe Afrika që thonë është Afrikë, besoj rrugët kështu nuk i kanë.”

LEXONI GJITHASHTU: 

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?