Ruanda në bisedime me SHBA për të pranuar emigrantët e deportuar

Ministri i Jashtëm i Ruandës, Olivier Nduhungireh, ka konfirmuar se vendi i tij është në fazat e para të bisedimeve me administratën Trump për të pranuar emigrantët e deportuar nga Shtetet e Bashkuara.

Ky zhvillim vjen pasi Sekretari amerikan i Shtetit, Marco Rubio, deklaroi se SHBA-ja po kërkon vende që do të pranonin “disa nga qeniet njerëzore më të neveritshme”.

Nduhungireh sqaroi se kjo nuk është hera e parë që Ruanda angazhohet në bisedime të tilla, duke përmendur marrëveshjen e mëparshme me Mbretërinë e Bashkuar, e cila u braktis nga qeveria e re laburiste. Ai theksoi se Ruanda mbetet e hapur për të ndihmuar migrantët në vështirësi, por nënvizoi se është ende herët për të parashikuar një marrëveshje përfundimtare me SHBA-në.

Kjo iniciativë përkon me politikën e re të Presidentit Donald Trump, i cili ka premtuar “deportime masive” dhe është në kërkim të vendeve të gatshme për të pranuar emigrantët e dëbuar, përfshirë edhe ata me të kaluar kriminale.

Më herët këtë vit, El Salvadori ofroi të pranojë kriminelë të deportuar nga SHBA në këmbim të një tarife financiare, duke i strehuar ata në një burg të sigurisë së lartë.

LEXONI GJITHASHTU:

• Greqia në krizë për punëtorë: 80 mijë vende të lira pune në turizëm
• Izraeli zapton gjithë Gazën, çfarë dihet nga plani i kabintetit të Netanyahut