Rubio në Mynih: Çështjet mes Rusisë dhe Ukrainës janë ngushtuar, SHBA po përpiqet…

Udhëheqësit botërorë janë mbledhur për ditën e dytë të Konferencës së Sigurisë në Mynih, ku në qendër të diskutimeve janë lufta në Ukrainë dhe e ardhmja e marrëdhënieve transatlantike.

Gjatë një seance pyetje-përgjigje, Sekretari amerikan i Shtetit, Marco Rubio, u ndal te zhvillimet rreth konfliktit në Ukrainë. Ai nuk kishte marrë pjesë një ditë më parë në një takim joformal për konfliktin, ku ishin të pranishëm disa liderë evropianë.

Rubio deklaroi se çështjet mes Rusisë dhe Ukrainës janë “ngushtuar”, por theksoi se mbeten ende “pyetje shumë të vështira për t’u përgjigjur”. Ai kundërshtoi pretendimet se Moska nuk është e interesuar për negociata.

Sipas tij, Shtetet e Bashkuara dhe Evropa duhet të vazhdojnë të ushtrojnë presion ndaj Rusisë për ta çuar procesin përpara. Rubio theksoi se SHBA-të kanë “bërë përparim” në përpjekjet diplomatike për zgjidhjen e konfliktit.