Rusia akuzohet për vrasjen e të burgosurve të luftës të paarmatosur ukrainas

Ukraina ka nisur një hetim pasi u shfaq një video që supozohet se tregon trupat ruse duke vrarë dy ushtarë ukrainas të cilët ishin dorëzuar.

Prokurorët ukrainas thonë se pamjet tregojnë “një grup njerëzish me uniforma ruse” që qëllojnë ukrainasit e paarmatosur nga një distancë e afërt.

Prokurorët thonë se vrasja e robërve të luftës është një “shkelje e rëndë” e ligjeve dhe zakoneve të konfliktit.

Që kur Rusia nisi pushtimin e saj në shkallë të plotë në shkurt 2022, si Kievi dhe Moska kanë akuzuar njëri-tjetrin për shkelje të konventave të Gjenevës,  një grup ligjesh ndërkombëtare humanitare që rregullojnë zhvillimin e konfliktit të armatosur dhe veçanërisht trajtimin e të burgosurve.

LEXONI GJITHASHTU:

• Katër të vrarë në Nju Jork në një sulm me thikë
• Mziu: I vetëm Berisha s’vjen dot në pushtet, PD i duhet një figurë e re