Tymi u ngrit mbi qytetin lindor të Bakhmutit, që ka qenë subjekt i bombardimeve intensive në muajt e fundit. Rusia e sheh atë si një trofe që duhet ta marrë me çdo çmim, ndërsa Ukraina si një qytet që do ta mbrojë.

Grupi i mercenarëve “Wagner”, që ka udhëhequr agresionin rus në Bakhmut, ka deklaruar se tani zotëron pjesën lindore të qytetit. Nga ana e saj, Ukraina e refuzon dorëzimin dhe mbetet sfiduese.

Por shefi i NATO-s paralajmëroi se qyteti mund të bjerë shumë shpejt në duart e rusëve.

“Nuk mund ta përjashtojmë që Bakhmuti mund të bjerë në ditët e ardhshme. Por është gjithashtu e rëndësishme të vëmë në dukje se kjo nuk përbën një pikë kthese në luftë”, theksoi Stoltenberg.

Duke njohur meritat e trupave në mbrojtjen e qytetit, një gjeneral ukrainas dekoroi ushtarët e tij. Ndërsa presidenti Zelensky beson se, nëse Bakhmuti bie, ai do t’i hapë rrugë trupave ruse të pushtojnë më shumë qytete.

Ndërkohë, BE po shqyrton shpenzimin e 1 miliard eurove për prokurimin e municioneve për Ukrainën dhe për të rimbushur stokun ushtarak të tij.

LEXONI GJITHASHTU

• Blerje e përbashkët e armëve, BE pajtohet me planin për Ukrainën
• Raporti i inteligjencës amerikane: Kina do vazhdojë të bashkëpunojë me Rusinë