Rusia do të tërheqë trupat nga qyteti kryesor i Ukrainës, Kherson

Ushtria ruse është urdhëruar të tërhiqet nga qyteti ukrainas Kherson, i vetmi kryeqytet rajonal i pushtuar që nga fillimi i pushtimit në shkurt.

Komandanti rus në Ukrainë, gjenerali Sergei Surovikin, tha se nuk ishte më e mundur të vazhdohej furnizimi i qytetit, shkruan BBC.

Vendimi do të thotë se forcat ruse do të tërhiqen tërësisht nga bregu perëndimor i lumit Dnipro.

Kjo është gjithashtu një goditje e rëndësishme pasi Rusia përballet me një kundërsulm ukrainas.

Njoftimi erdhi menjëherë pasi mediat ruse thanë se nënkryetari i Khersonit, Kirill Stremousov, ishte vrarë në një aksident automobilistik.

I parë si një nga nxitësit kryesorë të okupimit të Khersonit, ai kishte paralajmëruar vetëm gjashtë ditë më parë se kishte “më shumë gjasa” që forcat ruse të kalonin në bregun lindor.

LEXONI GJITHASHTU:

• Trupat ukrainase zmbrapsin rusët në Kherson, Moska pretendon të kundërtën
• Rusia dërgon 1000 trupa për të mbrojtur Khersonin në Ukrainë