Ministria e Mbrojtjes e Rusisë deklaroi se ka goditur me raketa të tipit “Kalibr”, një depo armësh në rajonin e Zaporizhzhia të Ukrainës ku mbaheshin armë të ardhura nga Shtetet e Bashkuara dhe vendet evropiane.

Sipas ministrisë, forcat e saj ajrore kishin shkatërruar 59 objektiva ushtarake ukrainase gjatë natës, shkruan agjencia e lajmeve Reuters.

Rusia ka paralajmëruar Shtetet e Bashkuara të Amerikës që të mos dërgojnë më armë në Ukrainë. Sipas Kremlinit, furnizime të tilla me armë do të përkeqësonin më tej situatën dhe do të rrisnin rrezikun e konfliktit.

Shtetet e Bashkuara dhe NATO kanë përjashtuar dërgimin e forcave të tyre në Ukrainë, por Uashingtoni dhe aleatët e tij evropianë kanë furnizuar Kievin me sasi të mëdha armësh.

LEXONI GJITHASHTU

• SHBA-ja dëshiron të shohë një Rusi të dobësuar, thotë sekretari Austin
• Rusia paralajmëron SHBA-të që të mos dërgojnë armë në Ukrainë