Trupat ruse janë përpjekur të thyejnë linjat mbrojtëse të forcave ukrainase dhe të arrijnë kufijtë administrativë të rajonit lindor të Luhanskut.
Kështu ka bërë me dije ushtria ukrainase nëpërmjet një raporti të publikuar mëngjesin e së hënës, shkruan BBC.
Sipas Shtabit të Përgjithshëm të Forcave të Armatosura të Ukrainës, rusët i kanë fokusuar përpjekjet e tyre drejt qytetit të Severodonetsk, si dhe kanë intensifikuar përdorimin e avionëve për të shkatërruar infrastrukturën e Ukrainës.
Ndër të tjera, në raport thuhet se forcat e Ukrainës kanë zmbrapsur 11 sulme të rusëve në lindje gjatë 24 orëve të fundit.
Pak ditë më parë, Rusia shpalli fitoren në Mariupol pas betejës disamujore për të pushtuar qytetin-port.
Luftëtarët e fundit që mbronin fabrikën Azovstal të qytetit janë dorëzuar, kanë bërë të ditur zyrtarë rusë.
LEXONI GJITHASHTU